Qazaxıstanda elektron siqaret qadağan edildi
23:13 - 19 Aprel 2024
Qazaxıstan Prezidenti Kasım-Jomart Tokayev səhiyyə məsələləri ilə bağlı qanunvericilikdə veyplərin (elektron siqaretlərin) idxalı, istehsalı, satışı və reklam olunmasının qadağan edilməsini nəzərdə tutan dəyişiklikləri təsdiqləyib.
TNS xəbər verir ki, bu barədə dövlət başçısının mətbuat xidməti məlumat yayıb.
Həmçinin elektron siqaretlərin idxalına və satışına görə cinayət məsuliyyəti nəzərdə tutulur.
Müvafiq dəyişikliklər sənədin rəsmi dərcindən 60 gün sonra qüvvəyə minir.
