Türk Hava Yolları Qətərə satılır?
22:02 - 31 May 2023
Türk Hava Yollarında (THY) mətbuat üzrə müşavir Yəhya Üstün şirkətin Qətərə satılması ilə bağlı məsələyə aydınlıq gətirib.
TNS Oxu.Az-a istinadən xəbər verir ki, bu barədə THY rəsmisi özünün “Twitter” hesabında paylaşım edib.
Yəhya Üstün paylaşımda bildirib ki, bu mövzuda artıq onuncu dəfədir açıqlama verilir:
“Şirkət barədə müxtəlif zamanlarda yayılan və yenidən gündəmə gələn “Türk Hava Yolları satılır” başlıqlı xəbərlər həqiqəti əks etdirmir”.
