Bir çox insan barmaqlarını şaqqıldatmağı xoşlayır, lakin çox az adam bunun ciddi xəstəliklərin siqnalı ola biləcəyini bilir.

TNS xəbər verir ki, bu barədə “Подмосковье сегодня” internet nəşrinə həkim və ortoped-travmatoloq Məməmməd Mikaylov məlumat verib.

Onun sözlərinə görə, şaqqıldatmaq istəyi insanlar oynağa həddindən artıq gərginlik tətbiq etdikdə yaranır, bu zaman onun içindəki maye intensiv şəkildə titrəməyə başlayır və kiçik qaz qabarcığı əmələ gəlir. Həkim qeyd edib ki, belə qaz qabarcıqları bütün insanlarda olur.

Şaqqıldatmaq vərdişi heç bir şəkildə oynaqlar üçün təhlükəli deyil və xəstəlikləri təhrik etmir, lakin bu vərdiş bir çox problemlərin simptomu ola bilər. Xüsusilə həmin an insan ağrı hiss edirsə, bu, iltihabın və ya oynaqların vəziyyətinin pisləşdiyini, müvafiq olaraq artrit və ya artrozun inkişafını göstərə bilər.

"Bundan əlavə, əgər siz davamlı olaraq şaqqıldatmaq istəyini hiss edirsinizsə, o zaman bir neçə faktor barmaqlarınızın sağlamlığını pisləşdirə bilər. Bunlara duzun çökməsi, zədələr və əməliyyatlar nəticəsində oynaqlarda struktur dəyişiklikləri, düzgün olmayan qidalanma, əzələ iltihabı, siqaret və alkoqoldan sui-istifadə daxildir. Adətən barmaqların və əllərin falanqlarının mövqeyinin qeyri-sabitliyi və anormal hərəkətliliyi ilə də əlaqələndirilir", - Mikaylov izah edib. (Publika)