Ağdamda 4 otaqlı ev yandı - FOTO
20:25 - 10 Avqust 2024
Ağdamda 4 otaqlı evdə yanğın hadisəsi baş verib.
TNS-in yerli müxbirinin xəbərinə görə, hadisə rayonun Xındırıstan kəndində qeydə alınıb.
Rayon sakini Baxışov Asəf Albert oğluna məxsus evdə baş verən yanğın zamanı bütün əşyalar yanıb, ev yararsız vəziyyətə düşüb.
Hadisə yerinə gələn FHN-nin yanğınsöndürən bölməsinin əməkdaşları yanğını söndürərək, yaxınlıqdakı tikililərə keçməsinin qarşısını alıb.
İlkin məlumata görə, yanğına səbəb elektrik xətlərində yaranan qısaqapanma səbəb olub.
Faktla bağlı araşdırma başlanıb.
Ziya Əmirxanlı
