Xankəndidə Rusiya-Azərbaycan birgə patruluna snayper silahından atəş açıldı
20:59 - 02 Oktyabr 2023
Rusiya sülhməramlı kontingenti Qarabağ ərazisində tapşırıqları yerinə yetirməkdə davam edir.
TNS xəbər verir ki, bu barədə Rusiya Müdafiə Nazirliyi məlumat yayıb.
Məlumatda bildirilib ki, atəşkəs rejiminin bir halda pozulması qeydə alınıb. Xankəndi şəhərində naməlum şəxs Rusiya-Azərbaycan birgə patruluna snayper silahından atəş açıb. Ölən və yaralanan olmayıb.
Rusiya sülhməramlı kontingentinin komandanlığı Azərbaycan tərəfi ilə birlikdə bu faktla bağlı araşdırma aparır.
