Azərbaycanda bu tarixdən sonra toy etmək olar
14:05 - 23 Aprel 2025
Bu il Azərbaycanda Qurban bayramı iyunun 6-na təsadüf edir.
TNS xəbər verir ki, bayram namazı iyunun 6-da qılınacaq.
Qurban bayram münasibətilə ölkəmizdə iki gün qeyri-iş günü olacaq.
Qeyd edək ki, bu il İslam aləmində xüsusi aylardan hesab olunan məhərrəm ayı da iyun ayında başlayacaq. Məhərrəm ayının 1-i iyunun 26-na təsadüf edir. Məhərrəm ayının 9-u (tasura günü) iyulun 4-nə, 10-u (aşura) iyulun 5-nə düşəcək. Məhərrəm ayı iyulun 25-də bitir. 26 iyulda başlayan səfər ayı avqustun 23-də başa çatacaq.
Bildirək ki, məhərrəm və səfər aylarında toy etməyənlər avqustun 24-dən toy mərasimlərini keçirə bilərlər.
Aygün
