“Azərbaycan Atabəyləri” filmi bu tarixdə yayımlanacaq
Uzun müddətdir, haqqında danışılan “Azərbaycan Atabəyləri” adlı filmin yayımı noyabr ayına planlaşdırılır.
Bu barədə TNS-ə açıqlamasında filmin baş prodüseri və ssenari müəllifi İlqar Mehti deyib.
Baş prodüser ekran işinin iki bölmədən ibarət olduğunu bildirib: “İki bölmədən ibarət "Azərbaycan Atabəyləri" bədii televiziya film-lahiyəsidir. Hər iki bölmə üzrə çəkilişlər tam bitib. Hazırda post-prodakşn işləri icra olunur. Filmin yayımı noyabr ayına planlaşdırılır”.
İlqar Mehti filmin serial kimi çəkilmədiyinə də aydınlıq gətirib: “Serial çəkilmədi, çünki serial üçün hazırlıqlar tamamlanmayıb. Gələcəkdə serial çəkilişi nəzərdə tutulub, lakin bunun üçün dövlət dəstəyi zəruridir”.
Qeyd edək ki, adı keçən film Azərbaycan Televiziyasında (AzTV) yayımlanacaq.
Aygün
Əlaqəli xəbərlər
