Olimpiya mükafatçımız evləndi - FOTO
22:45 - 30 Noyabr 2024
“Paris-2024” Yay Olimpiya Oyunlarının bürünc mükafatçısı Həsrət Cəfərov ailə qurub.
TNS xəbər verir ki, bu gün idmançının toy məclisi keçirilib. Olimpiya mükafatçısının toyu ilə bağlı sosial şəbəkələrdə paylaşım edilib.
Qeyd edək ki, yunan-Roma güləşçisi Həsrət Cəfərov 2002-ci ildə Goranboyda anadan olub. O, Olimpiadadan əvvəl - 2023-cü ildə Avropa çempionu adını qazanıb.
Həsrət Cəfərov ilk dəfə 2021-ci ildə Norveçdə Dünya Çempionatında iştirak edib. Həmin ilin noyabrında Belqrad şəhərində (Serbiya) baş tutan U23 Dünya Çempionatında qızıl medala sahib olub.
