Vitse-prezidentliyə namizəd psixopatdır
ABŞ-nin Demokratlar Partiyasından vitse-prezidentliyə namizədi və Minnesota ştatının qubernatoru Tim Uolts psixopatdır.
TNS xəbər verir ki, bunu amerikalı milyarder İlon Mask “X” hesabında bildirib.
“Uolts - psixopat”,-o yazıb.
Tim Uolts Minnesota ştatının kiçik Uortinqton şəhərinə miqrant axınını ABŞ-də iqtisadiyyatın və mədəniyyətin inkişafı üçün yaxşı göstərici adlandırıb. O, cəmi 14.000 əhalisi olan bir şəhərdə məktəbdə şagirdlərin 50 dildə danışdıqlarını iddia edib və bunu gözəl müxtəliflik olaraq xarakterizə edib.
Bundan əvvəl Mask ABŞ-də qiymətlərin sürətlə artmasının səbəbinin nizamsız miqrant axını olduğunu deyib.
Amerikalı sahibkar həmçinin xəbərdarlıq edib ki, əgər Respublikaçılar Partiyasından prezidentliyə namizəd Donald Tramp 2024-cü ilin noyabrında keçiriləcək seçkilərdə qalib gələ bilməsə, Birləşmiş Ştatlar tiranlığa sürüklənəcək.
Əlaqəli xəbərlər
