Baltik üzərində Rusiya-ABŞ təyyarələri arasında gərginlik
01:03 - 21 Mart 2023
Rusiyanın Su-35 təyyarəsi ilə ABŞ Hərbi Hava Qüvvələrinə məxsus iki B-52H strateji bombardmançı təyyarəsi arasında Baltik dənizi üzərində gərginlik yaşanıb
TNS xəbər verir ki, bu barədə Rusiya Milli Müdafiə Nəzarəti Mərkəzi məlumat yayıb.
“Ötən gün ( martın 20-si) Qərb Hərbi Dairəsinin növbətçi hava hücumundan müdafiə qüvvələrinin radiolokasiya qurğuları Baltik dənizi akvatoriyası üzərində Rusiya dövlət sərhədi istiqamətində uçan hava hədəflərini aşkar edib. Onlar ABŞ Hərbi Hava Qüvvələrinin iki B-52N strateji bombardmançı təyyarəsi kimi müəyyən edilib", - məlumtda bildirilib.
Qeyd olunub ki, Su-35 qırıcısı dövlət sərhədinin pozulmasının qarşısını alıb.(axar.az)
