Laçında bulağın zibilliyə çevrilməsinə RƏSMİ REAKSİYA
13:24 - 27 Yanvar 2025
Sosial şəbəkələrdə Laçın rayonu, Minkənd ərazisində yerləşən Fatik bulağı ətrafı ilə bağlı xoşagəlməz görüntülər paylaşılıb.
Laçın rayonunda Bərpa, Tikinti və İdarəetmə Xidmətinin İctimaiyyətlə əlaqələr şöbəsinin böyük məsləhətçisi Yeganə Quliyeva TNS-in yerli müxbirinin sorğusuna cavab olaraq bildirib ki, həmin ərazinin təmizlənməsi ilə bağlı göstəriş artıq verilib və işlər vaxtında tamamlanıb: “ Yayılmış fotolar ərazinin əvvəlki vəziyyətini göstərir. Qeyri-iş günü olmasına baxmayaraq, əməkdaşlarımız məsuliyyətlə hərəkət edərək təmizlik işini həyata keçirən şirkətin fəaliyyətinə nəzarət ediblər. Ərazi hazırda tamamilə təmizdir”.
Y. Quliyeva ərazinin son vəziyyətinin görüntülərini də təqdim edib.
Ziya Əmirxanlı
