Celal Şengörün həbsi tələb edilir
19:45 - 17 May 2025
İstanbulun Beykoz Respublika Prokurorluğu Türkiyənin tanınmış geoloqu və akademiki Celal Şengörün həbs edilməsi tələbi ilə ona qarşı ittiham aktı hazırlayıb.
TNS bu barədə Türkiyə mətbuatına istinadla xəbər verir.
Buna səbəb kimi C.Şengörün sosial şəbəkələrdə paylaşılan videoda türk xalqı ilə bağlı dediyi sözlər göstərilir.
O, videoda deyib: "Mən türk xalqı qədər cahil, türk xalqı qədər əxlaq məfhumundan məhrum bir cəmiyyət tanımadım".
Geoloqun türk millətini təhqir etməsi iddiası üzrə iki ilə qədər həbsi istənilir.
