Bələdiyyəyə aid maşında 8 miqrant saxlanıldı
20:41 - 09 Aprel 2025
Türkiyənin Ədirnə vilayətində İstanbul Böyükşəhər Bələdiyyəsinə (İBB) məxsus yük maşınında 8 qeyri-qanuni miqrant saxlanılıb, avtomobili idarə edən İBB işçisi isə həbs edilib.
TNS xəbər verir ki, saxlanılan miqrantlardan beşinin Suriya, üçünün isə İraq vətəndaşı olduğu müəyyən edilib.
Aparılan axtarış zamanı bir şişmə qayıq da tapılıb.
Yoxlama zamanı nəqliyyat vasitəsinin sürücüsünün İBB-də işlədiyi, başqa bir şirkət adına rəsmiləşdirilən maşınının isə bələdiyyənin yaşıllaşdırma işlərindən cavabdeh qurumu tərəfindən icarəyə götürüldüyü müəyyən edilib.
