Antalya Türkiyənin Aralıq dənizinə açılan mənzərəsi ilə seçilən kurort şəhəri olmaqla yanaşı, qızılı qumları, açıq səması və təmiz mavi suları ilə də diqqət çəkir.

Ölkənin cənub-qərbində yerləşən bu şəhərdə il ərzində orta hesabla 300 gün günəşli hava olur. Məhz buna görə Antalya turistlərin ən çox sevdiyi və ziyarət etdiyi istirahət yerlərindən biridir. Antalyanın yalnız dəniz və günəş tətili üçün populyar olmasına baxmayaraq, şəhər eyni zamanda dünyanın ən təmiz çimərliklərinə sahib olması ilə də fərqlənir. Hazırda Antalya 233 mavi bayraq sertifikatlı çimərliklə bu göstərici üzrə dünya lideridir. Bu sahil zolaqları öz təbiiliyi ilə seçilərək ideal yay istirahəti üçün imkan yaradır.

Təmiz sahillər, şəffaf sular və günəşli hava turistləri cəlb edir.

Yay mövsümünün yaxınlaşması ilə dünyanın ən təmiz çimərliklərinə maraq artır.

Şəhər yerli təbii resursların qorunmasına önəm verdiyindən bütün çimərliklər davamlılıq prinsiplərinə uyğun şəkildə idarə olunur. Şəffaf dəniz suları, təmiz qum sahələri və qorunan təbii mühit günəşli hava ilə bir araya gələrək bölgədə ideal istirahət şəraiti yaradır. Antalyanın bu xüsusiyyətləri turistlərə geniş və keyfiyyətli seçim imkanı təqdim edir.

Alanya, Side, Manavgat, Finike, Kemer, Kalkan, Kaş və daha bir çox sahil şəhəri mavi bayraqla təltif olunmuş çimərlikləri ilə ziyarətçilərə sakitlik və rahatlıq vəd edir. Patara, Kleopatra, Kaputaş, Lara və Konyaaltı çimərlikləri bu sırada xüsusilə fərqlənir.

Təsəvvür edin: Aralıq dənizinin şəffaf sularının sahilə çırpılan səsləri, ayaqlarınızın altında yumşaq və isti qum, əlinizdə sərin bir kokteyl və günəşin altında rahatlanmaq…

Bu çimərliklər eyni zamanda müxtəlif adrenalin dolu su idman növləri üçün də əlverişlidir.

Kaş təkcə mavi bayraqlı çimərlikləri ilə deyil, həm də Türkiyənin ən yaxşı dalğıc mərkəzlərindən biri olması ilə seçilir. Şəffaf sular sayəsində yüksək görünüş imkanları təqdim edən dalğıc nöqtələri ilə Kaş dünya üzrə önəmli dalğıc mərkəzlərindən biri hesab olunur. Eyni zamanda, Antalyada külək sörfü və kite sörfü ilə məşğul olmaq istəyənlər üçün də əlverişli şərait mövcuddur – xüsusilə Alanya bu idman növü üçün küləkləri və gözəl dənizi ilə seçilir. Burada həmçinin parasailing, jet-ski və kayak kimi digər su fəaliyyətlərini də sınamaq mümkündür.