Prezident iş adamını danladı: "Sizi küncə sıxışdırmaq lazımdır"
Adıyamanda keçirilən 6 Fevral zəlzələsini anma proqramında bölgənin bərpasına dəstək verən şirkətlərin nümayəndələrini mükafatlandıran Türkiyə Prezidenti Rəcəb Tayyib Ərdoğan Cengiz Holdinq İdarə Heyətinin sədri Mehmet Cengizi danlayıb.
TNS xəbər verir ki, Türkiyə lideri Cengiz Holdinqin etdiyi yardımı bəyənmədiyini bildirib.
“Başda AFAD olmaqla Cengiz Holdinqi küncə sıxışdırmaq lazımdır. Verən əl alandan üstündür”,- Ərdoğan irad tutub.
Qeyd edək ki, bu gün əsrin fəlakəti kimi tarixə düşən 6 fevral zəlzələsindən 2 il ötür. Adıyamanda tamamlanmış evlərin açarlarını zəlzələdən zərərçəkənlərə təhvil verən Türkiyə prezidenti daha sonra bölgənin bərpasına dəstək verən şirkətlərin nümayəndələrini bir-bir səhnəyə çağırıb və onlara plaket təqdim edib.
