Türkiyə Prezidenti Rəcəb Tayyib Ərdoğanla Suriyanın müvəqqəti prezidenti Əhməd Əş-Şaara arasında Ankarada görüş başa çatıb.

TNS xəbər verir ki, görüşdən sonra onlar mətbuat konfransı keçiriblər.

Ərdoğan bildirib ki, indiki məqamda ərəb və islam dünyası yeni iqtidar və Suriya xalqına lazımi maddi və mənəvi dəstəyi göstərməlidir: “Bu, çox vacibdir. Suriyalı qardaşlarımızın ölkələrini bərpa edə biləcəklərinə şübhəm yoxdur”.

Onun sözlərinə görə, ölkələr arasında ən müxtəlif sahələrdə əməkdaşlıq inkişaf etdirilir: “Suriyanın xarabaya çevrilmiş şəhərlərinin bərpasında da dəstəyə hazırıq. Suriya iqtisadi cəhətdən dirçəldikcə könüllü formada qayıdışlar da sürətlənəcək”.

Ərdoğan qeyd edib ki, Türkiyə terror təşkilatları ilə mübarizədə Suriyaya dəstək verməyə hazırdır.

Ə. Şaara isə 1967-ci il sərhədlərinin bərpa olunmasının vacibliyini vurğulayıb. O söyləyib ki, Suriya Türkiyə ilə əlaqələri inkişaf etdirmək niyyətindədir.

18:25

Suriyanın yeni lideri Əhməd əş-Şaraa Türkiyədə səfərdədir.

TNS xəbər verir ki, bu barədə "Haber Global" məlumat verib.

Qeyd olunur ki, suriyalı qonağın Türkiyə Prezidenti Rəcəb Tayyib Ərdoğanla Ankarada görüşü başlayıb.

İkitərəfli görüş və heyətlər arasında rəsmi ziyafətdən sonra Ərdoğan və əş-Şaraa birgə mətbuat konfransı keçirəcək.

Qeyd edək ki, bu, 18 ildən sonra Türkiyəyə Suriya liderləri tərəfindən ilk səfərdir. Sonuncu dəfə Suriyanın devrilmiş lideri Bəşər Əsəd 2007-ci ildə Türkiyəyə rəsmi səfər edib. Daha sonra onun dəvəti ilə Türkiyə Prezidenti Abdullah Gül 15 may 2009-cu ildə Suriyaya səfər edib.

18:08

Suriyanın müvəqqəti prezidenti Əhməd Əl Şara Türkiyədə səfərdədir.

TNS xəbər verir ki, bu barədə Türkiyə mediası məlumat yayıb.

17:20

Suriyanın müvəqqəti prezidenti Əhməd Əl Şara Türkiyəyə səfərə yola düşüb.

TNS xəbər verir ki, Ankaraya səfəri Suriya dövlət agentliyi SANA Əl-Şaranın hava limanındakı görüntülərini “Qardaş Türkiyəyə səfər” başlığı ilə paylaşıb.

Prezident Rəcəb Tayyib Ərdoğanın Şaraanı qəbul edəcəyi gözlənilir.