“Kaspi” Türkiyənin məşhur alış-veriş saytını aldı
21:07 - 29 Yanvar 2025
Türkiyənin tanınmış onlayn alış-veriş platformalarından biri olan “Hepsiburada” qazaxlara satılıb.
TNS xəbər verir ki, bu barədə Türkiyə mediası məlumat yayıb.
“Hepsiburada” NASDAQ Fond Birjasına şirkətin yüzdə 65,4 hissəsini təşkil edən A və B Qrupu səhmlərinin Qazaxıstan mərkəzli "Kaspi.kz" saytına transferinin tamamlandığını açıqlayıb.
Ümumi səhm köçürmə dəyəri təqribən 1 milyard 127 milyon ABŞ dolları təşkil edib.
Razılaşmaya əsasən, “Hepsiburada” və “Kaspi.kz” müstəqil brend şəxsiyyətlərini və əməliyyat strukturlarını qoruyaraq fəaliyyətlərini davam etdirəcəklər.
Yanvarın 31 keçiriləcək iclasda yeni İdarə Heyəti müəyyənləşdiriləcək.
