Polis əməliyyat keçirdi: 227 milyonluq narkotik ələ keçirildi
17:20 - 25 Yanvar 2025
Türkiyədə aparılan əməliyyatlar zamanı 227 milyon lirə dəyərində narkotik ələ keçirilib.
TNS xəbər verir ki, məlumatı Türkiyə mediası yayıb.
Bildirilib ki, İstanbul, Hakkari və Ağrıda keçirilən əməliyyatlarda 232,5 kiloqram narkotik maddə ələ keçirilib.
Əməliyyat nəticəsində İstanbul Hava Limanında 119 kq marixuana, Əsəndərə sərhəd-keçid məntəqəsində 100 kq heroin, Gurbulaq sərhəd qapısında isə 13,5 kq metamfetamin aşkar edilib.
Narkotik vasitələrin ümumi dəyəri 226 milyon 980 min lirə təşkil edib.
