TDT Türkiyəyə başsağlığı verdi
19:00 - 21 Yanvar 2025
Türk Dövlətləri Təşkilatı (TDT) Bolu vilayətində baş verən dəhşətli yanğınla bağlı Türkiyəyə başsağlığı verib.
TNS xəbər verir ki, bu barədə təşkilatın "X" hesabında yazılıb.
"Hadisə nəticəsində ölənlərə Allahdan rəhmət diləyir, yaralılara şəfa arzulayırıq. Dualarımız zərərçəkmişlərlədir", - paylaşımda bildirilib.
Xatırladaq ki, Türkiyənin Bolu bölgəsinin Kartalkaya xizək mərkəzində hoteldə yanğın baş verib. Hadisə nəticəsində 66 nəfər ölüb, 51 nəfər yaralanıb.
