İstanbulda diplomat olduğunu deyən azərbaycanlı 70 kiloqram qızılla saxlanıldı
23:58 - 22 Noyabr 2024
Türkiyənin İstanbul şəhərində azərbaycanlının üzərindən 70 kiloqram qızıl aşkarlanıb.
TNS xəbər verir ki, bu barədə Türkiyə mediasında xəbərlər yayılıb.
Qeyd olunub ki, Azərbaycan vətəndaşı M.G.Ş. adlı şübhəli Sarıyer səmtində ticarət mərkəzlərinin birinin qarşısında taksidə olarkən polis qrupları tərəfindən saxlanılıb.
Onun İstanbul Prokurorluğu tərəfindən verilən təlimat çərçivəsində saxlanıldığı bildirilib.
Şübhəli şəxs xüsusi xidmət orqanlarının əməkdaşlarına məhsulların özünə aid olduğunu və diplomat kimi çalışdığını deyib.
Faktla bağlı araşdırma başlanılıb.
