Türkiyə gəmisi Somali sahillərində kəşfiyyata başladı
20:08 - 22 Noyabr 2024
Türkiyənin "Oruc Rəis" seysmik tədqiqat gəmisi Somali sahillərində neft və qaz kəşfiyyatına başlayıb.
TNS xəbər verir ki, bu barədə ölkə Prezidenti Rəcəb Tayyip Ərdoğan məlumat verib.
Ərdoğan qeyd edib ki, kəşfiyyatın aparılacağı sahələrin ümumi ərazisi təxminən 5 min kvadratkilometrdir.
Qeyd edək ki, Türkiyə və Somali bu ilin mart ayında neft və qaz ehtiyatlarının öyrənilməsi sahəsində əməkdaşlıq haqqında memorandum imzalayıb.
