Türkiyədə TUSAŞ-ın istehsal obyektində baş verən terrorda ölənlərin sayı 5 nəfərə çatıb.

TNS xəbər verir ki, bu barədə Türkiyənin daxili işlər naziri Əli Yerlikaya bildirib.

Onun sözlərinə görə, yaralananların ümumi sayı 22 nəfər təşkil edir. Onlardan üçü artıq xəstəxanadan buraxılıb.

19:24

Ankarada terror aktı nəticəsində 4 ölənlərin sayı 4 nəfərə çatıb.

TNS xəbər verir ki, bunu Türkiyə Prezidenti Rəcəb tayyib Ərdoğan terror aktı barədə danışarkən deyib.

18:54

Ankarada terror aktı nəticəsində 3 nəfər ölüb, 14 nəfər yaralanıb.

TNS xəbər verir ki, bu barədə Türkiyənin daxili işlər naziri Əli Yerlikaya bildirib.

18:26

Ankaranın Kahramankazan rayonunda yerləşən Türk Aerokosmik Sənayesinə (TUSAŞ) hücumu həyata keçirən 3 terrorçudan ikisi zərərsizləşdirilib.

TNS-in verdiyi xəbərə görə, digər terrorçunun zərərsizləşdirilməsi istiqamətində polis xüsusi təyinatlıları əməliyyatı davam etdirir.

Qeyd edək ki, Türkiyə Respublika Baş Prokurorluğu terror aktı ilə bağlı araşdırma başladıb.

17:35

Ankaranın Kahramankazan rayonunda yerləşən Türk Aerokosmik Sənayesinin (TUSAŞ) qarşısında atışma davam edir.

TNS-in verdiyi xəbərə görə, içəridə girovların olduğu bildirilir.

17:11

Ankaranın Kahramankazan rayonunda Türk Təyyarə Sənayesi Anonim Ortaqlığı (TUSAŞ) obyektinin qarşısında silahlı hücum olub.

TNS-in verdiyi xəbərə görə, bu barədə yerli media məlumat yayıb.

"Sabah" qəzetinin məlumatına görə, yerli vaxtla saat 15:20 radələrində girişdə kamikadze hücumu həyata keçirilib.

Türkiyə daxili işlər naziri Əli Yerlikaya "X" platformasında terror hadisəsinin baş verdiyini, ölən və yaralananların olduğunu vurğulayıb.