"TikTok" uşaqların şəxsi məlumatlarından istifadə edir- Araşdırma başladıldı
Britaniyada “TikTok”un uşaqların şəxsi məlumatlarından istifadə etdiyi iddiaları ilə bağlı böyük araşdırma başladılıb.
TNS xəbər verir ki, araşdırmanın bir hissəsi olaraq İnformasiya Müvəkkili Ofisi (ICO) sosial media platforması “TikTok”un daha çox məzmun çatdırmaq üçün 13-17 yaş arası uşaqların məlumatlarından necə istifadə etdiyini araşdıracaq.
“TikTok” sözçüsü BBC-yə bildirib ki, onların tövsiyə sistemi yeniyetmələrin məxfiliyini və təhlükəsizliyini qoruyan ciddi təhlükəsizlik tədbirləri altında işləyir. Həmçinin qeyd olunub ki, platformada gənc istifadəçilər tərəfindən məzmun axınına ciddi məhdudiyyətlər qoyulub.
Qeyd edək ki, “TikTok” uşaq məlumatlarından sui-istifadə etdiyinə görə 2023-cü ildə ICO tərəfindən 12,7 milyon funt sterlinq məbləğində cərimə edilmişdi.
