2024-cü ilin ən yaxşı smartfonlarının adı açıqlanıb.

TNS xəbər verir ki, siyahını nüfuzlu TechRadar resursunun redaktorları hazırlayıb.

Maraqlıdır ki, siyahıya yalnız dörd istehsalçının modelləri daxil edilib: Samsung, Apple, Google və bir OnePlus cihazı.

Ümumilikdə ən yaxşı iPhone iPhone 15-dir. Xüsusiyyətləri baxımından iPhone 15 Pro Max-ı ən yaxşı adlandırmaq daha məntiqlidir, lakin çox bahadır. 

Ən yaxşı Android cihazı Google Pixel 9 Pro-dur. Yeni Pixel fantastik dizayn və “qorxuducu” süni intellekt xüsusiyyətlərinə malikdir. Əla kameraları və 7 illik dəstəyi ilə bu, Android dünyasında yeni kraldır.

Fotoqrafiya üçün ən yaxşı Android modeli Samsung Galaxy S24 Ultra-dır.  Heç bir müasir telefon kamerası bu qədər çoxyönlü deyil. Onun heyrətamiz 200 meqapiksellik əsas modulu, məqbul genişliyi və eyni anda iki telefoto kamerası var. Mütəxəssislər "Bu telefonun çəkdiyi ay və yemək fotolarına heyran qalacaqsınız" yazır.

Fotoqrafiya üçün ən yaxşı iPhone iPhone 15 Pro Max-dır. Üst kamerası və daha yaxşı video keyfiyyəti olan ciddi bir cihaz istəyirsinizsə, iPhone 15 Pro Max bazarda 5x böyütmə ilə yeganə iPhone-dur. Professional keyfiyyətli foto və videolar çəkir.

Yeniyetmələr üçün ən yaxşı telefon iPhone 13-dür. Apple-ın hazırda satdığı ən sərfəli smartfonlardan biridir. Performans və foto imkanları baxımından cihaz yeni məhsullardan geri qalmır, lakin dəyəri nəzərəçarpacaq dərəcədə aşağıdır.

Ən ucuz smartfon Google Pixel 8a-dır. Premium prosessoru, peşəkarı aldada biləcək qədər yaxşı çəkiliş aparan kameraları və bazarda ən uzun proqram dəstəyi olan cihazdır.

Uzun müddət enerji saxlayan cihaza ehtiyacınız varsa, ən yaxşı Android OnePlus 12R-dir. Uzun batareya ömrünü qiymətləndirənlər bu "Çin malını" almağı düşünməlidirlər. İstifadəçilər, həmçinin cəmi 30 dəqiqə ərzində batareyanı 100%-ə qədər dolduran 80 Vt sürətli şarj əldə edəcəklər.

Ən yaxşı batereya ömrünə malik iPhone isə iPhone 15 Plus-dır. Bütün gün və daha çox davam edə bilən iPhone istəyirsinizsə, 15 Plus-ı seçməlisiniz.

Çevik ekrana malik ən yaxşı smartfon Samsung Galaxy Z Fold 6-dır. Bu, çevik cihazlar dünyasından Galaxy S24 Ultra-nın bir növ analoqudur.