Çin orbitə "Starlink" peyklərinin ilk rəqibini buraxıb
Çin SpaceX-in Starlink peyklərinə rəqib yaratmaq səylərində böyük bir addım atdı və kosmosdan genişzolaqlı internet yayımlayacağına ümid etdiyi minlərlə peykdən birincisini orbitə buraxdı.
TNS xəbər verir ki, Çin dövlət mediasının məlumatına görə, avqustun 7-də Qianfan (Kosmik Yelkən) layihəsinin ilk peyki aşağı Yer orbitinə buraxılıb.
İndiyə qədərki peyk internet xidmətlərində lider, orbitdə 6000-dən çox peyki olan və sayını 42.000-ə çatdırmağı planlaşdıran və gələcək illərdə də dominant oyunçu olaraq qalacağı gözlənilən Starlink şirkətidir.
Bununla belə,dövlət mediasının xəbərinə görə, Qianfan layihəsinin 2025-ci ilin sonuna kimi 600-dən çox peykə çatacağı və 2030-cu ilə qədər bütün dünyada genişzolaqlı internetə çıxışı təmin edən 14.000-dən çox peykə sahib olacağı planlaşdırılır.
Qianfan layihəsi üç böyük Çin layihəsindən biridir.
Əlaqəli xəbərlər
