Türkmənlar azad edilmiş ərazilərdə - FOTO
13:36 - 15 Mart 2025
Türkmən QHT-lərindən ibarət nümayəndə heyətinin işğaldan azad edilmiş bölgələrə səfəri başlayıb.
Türkiyə, İraq, Suriyadan olan türkmənlərin rəhbərlik etdiyi QHT-lərin təmsilçiləri Azərbaycana gəlib.
TNS-in məlumatına görə, 30 nəfərlik nümayəndə heyətinə QHT sədrləri, ictimaiyyət nümayəndələri və media təmsilçiləri daxildir. Səfər Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin xətti ilə həyata keçirilir.
Qonaqların bu gündən işğaldan azad edilmiş ərazilərə səfəri başlayıb. Heyət ilk olaraq Əsgəran qalasında, Xocalı şəhər mərkəzində, Qarabağ Universitetində olublar.
Daha sonra heyətin Şuşaya, səhər isə Füzuliyə səfəri planlaşdırılır.
Ziya Əmirxanlı
