Mərkəzi Seçki Komissiyası (MSK) bu gün keçirilən bələdiyyə seçkiləri ilə bağlı seçici fəallığını açıqlayıb.

TNS-in məlumatına görə, MSK Katibliyinin İnformasiya Mərkəzinin müdiri Fərid Orucov saat 19:00-a qədər respublika üzrə 1 874 810 nəfərin səs verdiyini bildirib.

Onun sözlərinə görə, seçici fəallığı 31,45 faiz olub.

Qeyd edək ki, səsvermənin gedişi və nəticələri barədə alınan məlumatlar hüquqi əhəmiyyət daşımayan ilkin məlumatlar hesab edilir.

17:35

Mərkəzi Seçki Komissiyası (MSK) bu gün keçirilən bələdiyyə seçkiləri ilə bağlı səsvermə prosesində saat 17:00-a olan seçici fəallığını açıqlayıb.

TNS-in məlumatına görə, MSK Katibliyinin İnformasiya Mərkəzinin müdiri Fərid Orucov həmin müddətə qədər respublika üzrə 1 milyon 715 min 291 nəfərin səs verdiyini bildirib.

Onun sözlərinə görə, seçici fəallığı 28,77 faiz olub.

15.33

Saat 15:00-a olan məlumata əsasən, bələdiyyə seçkilərində 1 473 005 seçici səsvermə hüququndan istifadə edib.

TNS xəbər verir ki, bu barədə Mərkəzi Seçki Komissiyası Katibliyinin İnformasiya Mərkəzinin rəhbəri Fərid Orucov məlumat verib.

F.Orucov bildirib ki, seçici fəallığı 24,71% olub.

Qeyd edək ki, bu gün Azərbaycanda bələdiyyə seçkiləri keçirilir. Seçki məntəqələri səhər saat 08:00-da açılıb.

Bələdiyyə seçkilərində 118 seçki dairəsində 685 bələdiyyəyə 8 071 üzv seçiləcək. 16 092 namizədin adı seçki bülletenlərinə daxil edilib. Səs vermək hüququna malik 5 961 987 seçicinin adı siyahıya daxil edilib. Bələdiyyə seçkilərində MSK və dairə seçki komissiyalarında 70 625 müşahidəçi akkreditasiyadan keçib. 1000 seçki məntəqəsində veb-kameralar quraşdırılıb.

Səsvermə prosesi saat 19:00-dək davam edəcək.

13:08

Bələdiyyə seçkilərində ən yüksək və ən aşağı seçici fəallığına malik dairələr məlum olub.

TNS xəbər verir ki, bu barədə Mərkəzi Seçki Komissiyası Katibliyinin İnformasiya Mərkəzinin rəhbəri Fərid Orucov məlumat verib.

Saat 12:00-a olan məlumata əsasən, seçici fəallığının ən yüksək olduğu dairə 79 Saylı Astara Seçki Dairəsidir. Bu seçki dairəsində seçici fəallığı 24,31 % olub. Dairə üzrə 11 955 seçici səsvermə hüququndan istifadə edib.

Saat 12:00-a olan məlumata görə, seçici fəallığının ən aşağı olduğu dairə 16 Saylı Yasamal İkinci Seçki Dairəsidir. Bu seçki dairəsində seçici fəallığı 9,32 % olub. Dairə üzrə 4 505 seçici məntəqələrə gedərək səs verib.

12:37

Mərkəzi Seçki Komissiyası (MSK) bu gün keçirilən bələdiyyə seçkiləri ilə bağlı səsvermə prosesində saat 12:00-a olan seçici fəallığını açıqlayıb.

TNS xəbər verir ki, MSK Katibliyinin İnformasiya Mərkəzinin müdiri Fərid Orucov həmin vaxta qədər respublika üzrə 1 milyon 20 min 231 nəfərin səs verdiyini bildirib.

Onun sözlərinə görə, seçici fəallığı 17.1 faiz olub.