Yanvarın 29-da səhər saat 8:00-da Azərbaycan Respublikasında bələdiyyə seçkiləri ilə əlaqədar səsvermə başlayıb.

TNS xəbər verir ki, seçkilərdə 16 min 92 namizəd mübarizə aparır. Seçkilər zamanı respublika üzrə 685 bələdiyyəyə 8 min 71 üzv seçiləcək.

Səsvermə 118 seçki dairəsi üzrə 5846 seçki məntəqəsində keçirilir. Azərbaycanda mövcud olan 125 dairədən 7-si işğaldan azad edilmiş ərazilərdə yerləşdiyi üçün bu proseslərdə iştirak etmir. Ümumilikdə həmin dairələrdən başqa digər 4 dairədə də məcburi köçkün vətəndaşlarımız var. Ümumilikdə 400 minə yaxın məcburi köçkün seçici bələdiyyə seçkilərində səsvermədə iştirak etmir.

Seçicilərin azad və sərbəst səs verməsi üçün hər cür zəruri avadanlıqlarla təmin edilmiş məntəqələrə 6 milyon 52 min 721 seçki bülleteni paylanılıb. Bələdiyyə seçkilərində səsvermə hüququ olan seçicilərin sayı 5 milyon 961 min 987 nəfərdir.

Bələdiyyə seçkilərini izləmək üçün qeydiyyatdan keçən yerli müşahidəçilərin sayı 70 min 625 nəfərdir.

Səsvermənin şəffaflığını təmin etmək üçün bütün digər vasitələrlə yanaşı, 1000 seçki məntəqəsində veb-kameralar da quraşdırılıb. Veb-kameralar quraşdırılmış seçki məntəqələrinin siyahısı media subyektlərində dərc olunub və MSK-nın internet səhifəsində yerləşdirilib.

Səsvermə saat 19:00-da başa çatacaq.

00:02

Bu gün Azərbaycanda bələdiyyə seçkiləri keçiriləcək.

TNS xəbər verir ki, 118 seçki dairəsi üzrə 685 bələdiyyəyə 8071 üzv seçiləcək.

Bələdiyyə seçkilərində adları seçki bülletenlərinə daxil edilən namizədlərin sayı 16092 nəfərdir. 16092 namizədin 8424-ü 23 siyasi partiya tərəfindən irəli sürülüb. Partiya mənsubiyyətinə gəlincə, 16092 namizədin 8504-ü 24 siyasi partiyanın mənsublarıdır. Seçkilərdə 7588 bitərəf namizəd mübarizə aparacaq.

Bələdiyyə seçkilərində səsvermə hüququ olan 5 961 987 seçici 5846 seçki məntəqəsində səs verə biləcək. Bunlardan 5734-ü daimi, 112-si müvəqqəti seçki məntəqələrdir. 1000 seçki məntəqəsində veb-kamera quraşdırılıb.

Bələdiyyə seçkilərində Mərkəzi Seçki Komissiyası və dairə seçki komissiyalarında ümumilikdə 70625 müşahidəçi akkreditasiyadan keçib. Müşahidəçilərdən 26260-ı 24 siyasi partiya tərəfindən təqdim olunan müşahidəçilərdir.

Seçki Məcəlləsinin tələbinə əsasən, bələdiyyə seçkilərində səsvermə ilə əlaqədar bu geyri-iş günü olacaq.