Los-Ancelesdə baş verən yanğında tüstüdən zəhərlənən, evləri yananlar barədə Baş Konsulluğumuza məlumat daxil olmayıb.

TNS APA-ya istinadən xəbər verir ki, Xarici İşlər Nazirliyinin mətbuat katibi Ayxan Hacızadə bildirib ki, 7 yanvar 2025-ci il tarixindən etibarən Amerika Birləşmiş Ştatlarının Los-Anceles şəhərinin qərbində başlamış yanğınlarla əlaqədar, Azərbaycan vətəndaşlarının təhlükəsizliyinin təmin edilməsi məqsədilə Azərbaycan Respublikasının Los-Anceles şəhərindəki Baş Konsulluğu tərəfindən müvafiq iş aparılır.

“Belə ki, Baş Konsulluğumuza məxsus sosial media hesablarında xəbərdarlıq elanı və təcili əlaqə nömrəsi (+13109234540) yerləşdirilib.

Həmçinin vətəndaşların yanğınlarla bağlı məlumat əldə etmələri və təhlükəsizlik təlimatı ilə tanış olmaları üçün müvafiq internet səhifəsinə keçid linki paylaşılıb (lafd.org/alerts).

Əlavə olaraq, Baş Konsulluğun yerləşdiyi binanın müvəqqəti olaraq evakuasiya edilməsinə baxmayaraq, distant qayada Baş Konsulluğun fəaliyyəti davam edir, hadisələrin gedişatı izlənilir və vətəndaşlarla əlaqə kanalları daim açıq saxlanılır”, - XİN rəsmisi vurğulayıb.

Hörmətli Vətəndaşlarımız,

Los Ancelesdə hazırda davam edən yanğınlarla əlaqədar ən son məlumatları və təhlükəsizlik təlimatlarını əldə etmək üçün aşağıdakı saytdan istifadə etməyiniz xahiş olunur:

???? https://t.co/AMnIteyxsi

Təcili konsulluq yardımına ehtiyacınız olduqda…

— Azerbaijan in L.A. (@azconsulatela) January 8, 2025