Qüdrət Həsənquliyev bu qurumlar qarşısında məsələ qaldıracaq - FOTO
Ədalət, Hüquq, Demokratiya (ƏHD) Partiyasının sədri, millət vəkili Qüdrət Həsənquliyev 36 saylı Xətai-Suraxanı seçki dairəsinin ərazisində seçicilərlə görüş keçirib.
TNS xəbər verir ki, bu barədə partiyanın mətbuat xidməti məlumat yayıb.
Bildirilib ki, dekabrın 14-ü saat 11:00-da keçirilən görüşdə seçicilər üzləşdikləri sosial problemlərlə yanaşı, müxtəlif binaların zirzəmisinin su ilə dolması, su-kanalizasiya xətlərində olan çatışmazlıqlar, bəzi həyətlərdə abadlıq işlərinin aparılmaması, uşaqlar üçün oyun meydançalarının olmaması, həmçinin yol, ünvanlı sosial yardım, sahibsiz itlər və digər problemlərlə bağlı şikayətlərini səsləndiriblər.
Şikayətləri dinləyən millət vəkili qaldırılan problemlərlə bağlı aidiyyəti qurumlar qarşısında məsələ qaldıracağını və problemlərin həll olunmasına səy göstərəcəyini bildirib.
Əlaqəli xəbərlər
