Azərbaycan XİN İspaniyaya başsağlığı verib
15:15 - 30 Oktyabr 2024
Azərbaycan Xarici İşlər Nazirliyi İspaniyanın Valensiya bölgəsində baş verən daşqınlar zamanı həyatını itirənlərlə bağlı başsağlığı verib.
TNS xəbər verir ki, bu barədə XİN-in paylaşımında qeyd edilib.
“Həyatını itirənlərə və baş verən itkilərə görə kədərləndiyimizi bildiririk. Bu təbii fəlakətdə həyatını itirənlərin ailələrinə və İspaniya hökumətinə başsağlığımızı çatdırırıq”.
Qeyd edək ki, İspaniyanın Valensiya bölgəsində baş verən daşqınlar zamanı 51 nəfər həyatını itirib.
