Yuxarı tənəffüs yolu xəstəliyindən sağalmış insanlar bir müddət sonra ürək qripi xəstəliyinə tutula bilər.

TNS xəbər verir ki, bunu Anadolu Agentliyinə açıqlamasında Bahçeşehir Universitetinin Tibb Fakültəsinin professoru Adnan Kaya deyib.

O bildirib ki, son illərdə yuxarı tənəffüs yollarının virusa yoluxması nəticəsində problem yaşayan insanlara sonradan ürək qripi diaqnozu qoyulur: “Boğaz ağrısı, yorğunluq, təngnəfəslik və halsızlıq kimi ümumi simptomlarla yuxarı tənəffüs yollarında problem yaşayanlar daha sonra ürək döyüntüsü, döş qəfəsində ağrı kimi əlamətlərlə xəstəxanalara müraciət edirlər.

Bu halların əksəriyyətinə son illərdə tez-tez rast gəlinən ürək qripi diaqnozu qoyulur. Ürək qripi yuxarı tənəffüs yollarının infeksiyalarından sonra yaranan ürək əzələsinin iltihabıdır”.
Koronaviris xəstəliyindən sonra ürək qripi diaqnozu və təqibində artım müşahidə etdiklərini bildirən professor, xəstələrin əksəriyyətinin tənəffüs yolu infeksiyalarından sonra müəyyən şikayətlərlə klinikalara müraciət etdiyini bildirib.

O bildirib ki, tənəffüs yolu infeksiyası keçirən xəstələrdə 10-15 gündən sonra döş qəfəsində təzyiq, sancma, yanma, , təngnəfəslik, xüsusilə arxa üstə uzanarkən təzyiqin artması, kəskin sinə ağrısı, ürək döyüntüsü kimi şikayətlər olur: “Bu halı hər yaş qrupunda müşahidə edirik. Amma 20-50 yaş arası kişilərdə daha çox özünü göstərir. Diaqnozdan sonra xəstələrə əvvəlcə istirahət, sonra isə dəstəkləyici müalicə tövsiyə edirik.Ürək funksiyalarında azalma olarsa, ürək ritmlərini tənzimləmək üçün dərman tətbiq olunur”.

Son günlər gənc ölümlərin gündəmdə olduğunu deyən professor hadisələrin əksəriyyətinin infarkt olduğunu, ancaq bəzilərinin miokarditə (ürək qripi) bağlı ola biləcəyini düşündüklərini açıqlayıb: “Yaranan problemdən sonra xəstələrimizin 70-80 faizi öz-özünə sağalır. 20-25 faizi isə bizə müraciət edir. ciddi ürək çatışmazlığı ilə bizə müraciət edə bilər. Nadir hallarda ürək çatışmazlığı və ciddi ritm pozğunluğu nəticəsində ölümlə nəticələnə bilər”.

Professor onu da bildirib ki, dünya səviyyəsində aparılan araşdırmaya görə, keçən il təxminən 2 milyon insana ürək qripi diaqnozu qoyulub, 1500 insan üzərində aparılan araşdırmaya görə xəstələrin yalnız yüzdə 1-i həyatını itirib: “Xüsusilə tənəffüs yolu infeksiyalarından sonra bu kimi şikayətləri olan xəstələrə kardioloji müayinələri tövsiyə edirik. Miokardit diaqnozu qoyulmuş insanlara və bu diaqnozla müşahidə altında olanlara tövsiyəm budur ki, immun sistemlərini güclü saxlasınlar. Siqaret, spirtli içki kimi sağlamlıqlarına xələl gətirən faktorlardan uzaq durmalarını, sonrakı yuxarı tənəffüs yolu infeksiyaları zamanı özlərinə diqqət yetirmələrini tövsiyə edirəm. Bu şikayətlərlə yenidən ürək qripi olma ehtimalı olanların həkimə müraciət etmələrini tövsiyə edirəm. Bu da qrip kimi təkrarlana bilər. Miokarditli xəstələrin yüzdə 15-30-da yenidən ürək qripi inkişaf edə bilər".

Aygün