Alimlərin apardığı yeni bir araşdırmaya görə, sadəcə bir saat ərzində saqqız çeynəmək insan tüpürcəyinə 250.000 mikroplastik hissəcik buraxa bilər.

TNS xarici mətbuata istinadən xəbər verir ki, bununla bağlı Şimali İrlandiyadakı Kraliça Universitetinin alimləri araşdırma aparıb.

Qeyd edək ki, mikroplastiklər daha böyük plastik məhsulların parçalanması nəticəsində əmələ gələn kiçik plastik hissəciklərdir. Araşdırmada mikroplastiklərin zamanla daha kiçik hissələrə parçalanaraq nanoplastikaya çevrildiyi və bunların tüpürcəkdə aşkarlandığı üzə çıxıb.

Araşdırmaçılar mikro ve nano plastiklərin orqanizmə fərqli yollarla daxil olduğunu və həzm orqanları, ağciyərlər və reproduktiv orqanlara zərər verə biləcəyini açıqlayıb. Tədqiqatçılar analiz edilən tüpürcək nümunələrinin üç fərqli zaman aralığında toplandığını, hətta 0-20 dəqiqə saqqız çeynəyənlərdə belə, mikro və nano plastiklər tapıldığını bildiriblər.

Elm adamları bu cür hissəciklərin insan sağlamlığına uzunmüddətli təsirlərinin məlum olmadığını, araşdırmada istifadə edilən metodun plastik çirklənməni azaltmağa kömək edəcək daha sərfəli bir vasitənin ortaya çıxarılmasına dəstək ola biləcəyini açıqlayıblar.

Aygün