"Bizdə rəsmi statistikaya görə təxminən 3000 autist uşaq var. Qeyri-rəsmi isə bundan dəfələrlə çoxdur, çünki cüzi davranış pozğunluğu olan uşaqlara hörmətli psixoloqlarımız autizm diaqnozu qoyur. Bu da düzgün deyil!".

TNS xəbər verir ki, bunu pediatr Vaqif Qarayev deyib.

O bildirib ki, autizmin səbəbi barədə dəqiq fikir yoxdur, olanlar da hipotetik şəkildədir:

"Bir vaxtlar peyvəndi günahkar bilirdilər. Alınmadı. Çünki dünyada nə qədər desəniz peyvəndsiz autist var. İndi autist uşaqların qan dəyərlərində ağır metalların olmasına diqqət çəkilir. Ağlabatandır. Bəlkə analar ağır metalla zəngin qidalar qəbul etdiyinə görə, uşaq autust doğulur. Nə etmək lazımdır? Uşaq doğulandan sonra qanda ağır metalların müayinəsi aparılsa yaxşı olar ki, vaxtında tədbir görülsün! 2 yaşlı uşaqların inkişaf parametrlərini dəyərləndirmək üçün pediatr mütləq psixoloq və psixiatrla məsləhətləşməilidir!".

Pediatrın sözlərinə görə, uşağa telefon vermək düzgün deyil: "Onunla daim danışmaq lazımdır! Diqqətini çəkən oyuncaqlar almaq, maraqlı olan diziləri göstərmək lazımdır! Sosiallaşmanın xüsusi əhəmiyyəti var. Bu baxımdan bağçanın rolu danılmazdır!
P.S.Hər tində fəaliyyət "göstərən" psixoloji mərkəzlərə inanmayın!".