Hazırda əhali arasında daha çox quru öskürək, sinə ağrısı və səs tutulması ilə müşayiət olunan xəstəlik yayılıb.

Xəstəlik daha çox hansı viruslar nəticəsində yaranır? Xəstəliyin müalicəsi necə aparılmalıdır?

Mövzu ilə bağlı TNS-in suallarını Səhiyyə Nazirliyinin mütəxəssis-eksperti, infeksionist Təyyar Eyvazov cavablandırıb.

Mütəxəssis bildirib ki, səsin tutulmasının bir çox səbəbi ola bilər. Bunların arasında ən çox rast gəlinən səbəblər yuxarı tənəffüs yollarının infeksion zədələnmələridir: “Daha çox halda bir sıra kəskin respirator virus infeksiyaları (KRVİ) məsələn, qrip, paraqrip, bəzən adenovirus və respirator-sinsitial virus infeksiyaları zamanı qırtlağın iltihabı baş verir ki, bu da səsin tutulmasına səbəb olur. Bundan başqa, bəzi bakterial infeksiyalar zamanı da oxşar mənzərə yarana bilər. KRVİ zamanı səsin tutulması öskürək, burun axması, boğaz ağrısı, hərarət, ümumi əzginlik, zəiflik kimi əlamətlərlə də müşayiət olunur”.

Təyyar Eyvazov bildirib ki, adətən, bu hallar qısamüddətli olur, tez zamanda əlamətlər sönür və səs bərpa olunur: “Uşaqlarda infeksion xəstəliyin qızğın dövründə yalançı inaq inkişaf edə bilər ki, bu da təcili olaraq həkimə müraciət olunmasını zəruri edir”.

Aygün