Körpələrə ilk 1000 gündə şəkərli qidalar verməmək yetkinlik dövründə diabet və hipertoniyaya tutulma riskini azaldır.

TNS xəbər verir ki, bu barədə Cənubi Kaliforniya Universitetinin alimlərinin “Science” jurnalında dərc olunan araşdırma materialında bildirilib.

Araşdırmada həyatının ilk 1000 günü ərzində həftədə səkkiz unsiya şəkər və ayda 12 unsiya konfet istehlak edən insanların sağlamlığına baxılıb. Daha sonra əldə edilən məlumatlar şəkəri məhdudiyyətsiz istehlak edən şəxslərin sağlamlıq göstəriciləri ilə müqayisə edilib.

Nəticələr göstərib ki, erkən yaşda qida rasionunda şirin qidaların və şəkərin nisbətini azaltmaq məcburiyyətində qalma uzunmüddətli perspektivdə sağlamlığa müsbət təsir göstərir.

Alimlərin fikrincə, uşaqlıqda az şəkər qəbul edən insanlarda şəkərli diabet və hipertoniyaya tutulma riski 50-60 yaşa qədər müvafiq olaraq təxminən 35% və 20% azalıb.

Tədqiqatın nəticələri erkən uşaqlıq dövründə yaxşı qidalanmanın qoruyucu rolunu vurğulayıb.

Alimlər ümid edirlər ki, tapıntılar qida istehsalçılarını uşaqlara satılan qida və içkilərdə şəkərin miqdarını azaltmağa sövq edə bilər.