Həftədə üç dəfə yerkökü yemək dəridə karotenoid səviyyəsini əhəmiyyətli dərəcədə artırır. Bu maddə isə xərçəng və ürək xəstəlikləri riskini azaldır.

TNS “Health News”a istinadən xəbər verir ki, bu barədə Samford Universitetinin alimlərinin son araşdırmasında bildirilir.

Nəşrin məlumatına görə, eksperimentdə 60 gənc iştirak edib. Onlar üç qrupa bölünüblər. Dörd həftə ərzində birinci qrup Qrenni Smit sortu alma dilimləri, ikinci qrup körpə yerkökü (bir porsiya üçün 100 qram) yeyiblər. Üçüncü qrup isə beta-karotin olan multivitamin preparatı qəbul edib.

Təcrübədən əvvəl və sonra alimlər hər bir könüllünün dərisindəki karotenoidlərin səviyyəsini qiymətləndiriblər. Karotenoidlər bir çox meyvə və tərəvəzə qırmızı, narıncı və sarı rənglər verən fitonutrientlərdir. Bədəndə karotenoidlərin yüksək səviyyələri rəngli bitki qidalarının istehlakının artmasına səbəb olur, antioksidan müdafiəni artırır, ürək xəstəlikləri və bəzi xərçəng risklərinin azalması, dərinin sağlamlığı və immun funksiyasının yaxşılaşması ilə əlaqələndirilir.

Nəticələr göstərib ki, həftədə üç porsiya qəlyanaltı kimi körpə yerkökü yemək dəridə karotenoid konsentrasiyasının əhəmiyyətli dərəcədə artırır.

Alimlər belə qənaətə gəliblər ki, düzgün qidalanma vərdişləri orqanizmi həyati vacib qidalarla effektiv şəkildə təmin edir və sağlamlığı yaxşılaşdırır. Buna görə də, xərçəng və ürək-damar xəstəliklərinin inkişaf riskini azaltmaq üçün qida rasionuna kiçik dəyişikliklər edərək yerkökü istehlakını artırmaq lazımdır.