Güclü külək Zaqatalada fəsadlar törətdi
13
20:19 - 05 Noyabr 2024
Zaqatalada güclü külək fəsadlar törədib, külək beşmərtəbəli binanın dam örtüyünü uçurub.
TNS xəbər verir ki, bu gün günortadan başlayaraq şimal-qərb bölgəsində höküm sürən küləkli hava Zaqatala şəhəri Vasif Qurbanov küçəsində 5 mərtəbəli yaşayış binasının dam örtüyünün bir hissəsini uçuraraq yerə atıb. Külək nəticəsində rayonun müxtəlif ərazilərində irigövdəli ağaclar aşıb, budaqlar qırılıb.
Hazırda müvafiq qurumlar qeyd olunan ərazilərə cəlb edilib, fəsadların aradan qaldırılması istiqamətində işlər aparılır. (Unikal)