Biləsuvarda bir ailə qəzaya düşdü, 11 yaşlı oğlan öldü
10:32 - 25 Oktyabr 2024
Biləsuvar rayonunda ölümlə nəticələnən ağır yol qəzası baş verib.
TNS-in məlumatına görə, hadisə rayonun Heydər Əliyev prospektində baş verib.
Cəlilabad rayon sakini Sərdar Şahmuradovun idarə etdiyi "VAZ 2174" markalı avtomobil Ceymur Cəfərovun idarə etdiyi traktorla toqquşub. Hadisə nəticəsində S. Şahmuradovun 11 yaşlı oğlu Səbuhi Şahmuradov ölüb, əmisi Saleh Şahmuradov isə ağır xəsarətlərlə xəstəxanaya yerləşdirilib.
Faktla bağlı cinayət işi başlanıb.
