Nazir Mingəçevirdə qəbul keçirdi
Bu gün rəqəmsal inkişaf və nəqliyyat naziri Rəşad Nəbiyev Mingəçevir şəhərində yerləşən Heydər Əliyev Mərkəzində vətəndaşları qəbul edib.
TNS xəbər verir ki, görüşdən əvvəl nazir ümummilli lider Heydər Əliyevin abidəsini ziyarət edib və önünə gül dəstəsi qoyub.
Yevlax rayonunun və Mingəçevir şəhərinin sakinlərinin qəbulu zamanı nəqliyyat, telekommunikasiya, o cümlədən internet, teleradio yayımı və poçt xidmətləri ilə bağlı müraciətlərə baxılıb.
Müraciətlərin mövcud qanunvericiliyin tələblərinə uyğun və operativ şəkildə araşdırılması ilə əlaqədar nazirliyin aidiyyəti qurumlarının rəhbərlərinə tapşırıqlar verilib.
Vətəndaşların müraciətlərində qaldırılan problemlərin bir qismi dərhal müsbət həllini tapıb.
Rəqəmsal inkişaf və nəqliyyat nazirliyinin fəaliyyət sahələrinə aid olmayan məsələlərlə bağlı müraciətlər isə qeydiyyata alınıb və müvafiq qurumlara göndərilməsi təmin olunacaq.
Əlaqəli xəbərlər
