Çıraqlı kəndində "Novruz" tonqalı qalandı - FOTO
Keçmiş təmas xətti boyunca cəbhə xəttinə ən yaxın Çıraqlı kəndində "Novruz" tonqalı qalanıb.
YAP Ağdam rayon təşkilatının sədri Mansur Quliyev TNS-ə bildirib ki, uzun illər Ağdam rayon Çıraqlı kənd sakinləri çərşənbə tonqalı yandıra bilməyib: " Ağdamın Çıraqlı və ətraf kəndləri daima ermənilərin atəşi altında olub. Ermənilə əlamətdar təqvimlər günündə isə daha da azğınlaşırdı. Bu səbəbdən də kənd sakinləri "Novruz" bayramını tonqalsız qeyd edirdi. Məhz biz də Yeni Azərbaycan Partiyası (YAP) Ağdam rayon təşkilatı və Ağdam Rayon İcra hakimiyyəti ilə birgə Azərbaycan Respublikasında 2025-ci ilin “Konstitusiya və Suverenlik İli” elan edilməsi səbəbi ilə Novruz tonqalını Çıraqlıda yandırdıq."
Qeyd edək ki, bu gün Novruzun üçüncü çərşənbəsi "Yel" çərşənbəsidir. Yel çərşənbəsində yel az da olsa oyanmış torpağı, təzə çıxmış cücərtiləri, tumurcuqlamış ağacları yelləyərək inkişafını sürətləndirir.
Ziya Əmirxanlı
