Ağdamda ağac yandı, 3 kənd internetsiz qaldı - FOTO
11:57 - 22 Yanvar 2025
Ağdam rayonunda 3 kəndin interneti kəsilib.
TNS-in yerli müxbirinin xəbərinə görə, hadisəyə səbəb rayonun Xındırıstan kəndi ərazisində, yol kənarında olan şam ağacının yanması olub. Ağacın alovlanması nəticəsində yaxınlıqdan keçən optik internet xətləri yanaraq, yararsız hala düşüb. Hadisə yerinə FHN-nin yanğınsöndürən əməkdaşları gələrək yanğının qarşısını alıb.
Ağdam Telekommunikasiya Qovşağından TNS-ə bildirilib ki, yanğına elektrik xəttindəki qısaqapanma səbəb olub, yaxınlıqdakı şam ağacı yanarkən şəbəkə xətlərini də sıradan çıxarıb. Bu səbəbdən rayonun Yüzbaşı, Paşabəyli və Bənövşələr qəsəbəsini internet şəbəkəsi kəsilib. Hazırda Ağdam Telekommunikasiya Qovşağının əməkdaşları internetin bərpası üçün işlər aparır.
Ziya Əmirxanlı
