Xocalıya növbəti köç nə vaxt olacaq?
12:33 - 29 Oktyabr 2024
Məlum olduğu kimi, əhalinin işğaldan azad olunan Qarabağ ərazisinə köçürülmə prosesi davam edir.
Bəs, Xocalıya növbəti köç nə vaxt olacaq?
Xocalı şəhər kənd inzibati ərazi dairəsi (İƏD) nümayəndəsi Tacir Əzizov TNS-ə bildirib ki, Xocalıya köç nəzərdə tutulub, amma hansı tarixdə reallaşacağı barədə dəqiq məlumat yoxdur.
Qaçqınların və Məcburi Köçkünlərin İşləri üzrə Dövlət Komitəsindən isə deyilib ki, köçün tarixinin müəyyənləşdirilməsi evlərin təhvil verilməsindən asılıdır: “Xocalıda hazır olan evlər var. Onlar təhvil verildikdən sonra köç tarixi dəqiqləşəcək”.
Qeyd edək ki, hazırda Xocalıda 46 ailə-179 nəfər sakin məskunlaşıb.
Aygün
