Şəhid Məmməd Mirzəyev Ağdamda dəfn olunub - YENİLƏNİB
Şəhid Məmməd Mirzəyevlə Ağdam rayonunun Quzanlı qəsəbəsində yerləşən Dövlət Dram Teatrının binasında vida mərasimi keçirilib.
TNS-in yerli müxbirinin xəbərinə görə, mərasimdən sonra şəhidin qalıqları oradakı Şəhidlər xiyabanında torpağa tapşırılıb.
13:15
Şəhid Məmməd Mirzəyevin qalıqları dəfn olunması üçün Ağdama aparılıb.
TNS-in yerli müxbirinin xəbərinə görə, 1992-ci ilin fevral ayının 17-də Xocavənd rayonunun Qaradağlı kəndi istiqamətində gedən döyüşlərdə itkin düşən və 32 il sonra meyitinin qalıqları tapılan Birinci Qarabağ müharibəsi şəhidi, Ağdam rayon Güllücə kənd sakini, 1967-ci il təvəllüdlü Məmməd Hüseyn oğlu Mirzəyevlə vida mərasimi keçirilir.
Vida mərasiminə onun ailəsinin müvəqqəti məskunlaşdığı rayonun Dörd yol - 2 qəsəbəsindəki evdən başlanıb.
Rəsmi vida mərasimi isə rayonun Quzanlı qəsəbəsindəki Dövlət Dram Teatrının binasında keçiriləcək.
Ziya Əmirxanlı