Naxçıvanda ölümlə nəticələnən yol qəzası baş verib - FOTO
Naxçıvan Muxtar Respublikasında ölümlə nəticələnən yol qəzası olub.
TNS xəbər verir ki, hadisə “Əshabi-Kəhf” Ziyarətgahı Dini-Mədəni Abidə Kompleksinə gedən yolda baş verib.
“Lifan” markalı avtomobilin yoldan çıxıb aşması nəticəsində bir azyaşlı ölüb, avtomobildəki digər şəxslər yaralanıb.
Məlumata görə, ziyarətgahdan sürətlə gələn digər avtomobil torpaq yolda toz qaldırıb, “Lifan”ın sürücüsü isə idarətməni itirərək yoldan çıxıb.
Xatırladaq ki, “Əshabi-Kəhf” Ziyarətgahına gedən 14 kilometrlik yol bir ildən çoxdur, təmir olunur. Avtomobil yolunun asfalt örtüyü götürülüb, yeni asfalt salınması üçün əsaslı təmir işləri aparılıb. Ancaq bir ildən çoxdur ki, yola asfalt örtüyü döşənməyib. Bu avtomobil yolu işlək yoldur. Hər gün ziyarətgaha onlarla avtomobil gedir. Yolun bu vəziyyətdə saxlanılması qəza hallarının artmasına səbəb ola bilər.
Əlaqəli xəbərlər
