Naxçıvan Mərkəzi Seçki Komissiyasına sədr seçilib
Əkrəm Hüseynzadə Naxçıvan Muxtar Respublikası Mərkəzi Seçki Komissiyasının sədri seçilib.
Bu barədə TNS-ə Əkrəm Hüseynzadənin özü məlumat verib.
Qeyd edək ki, Mərkəzi Seçki Komissiyasının sədri Əjdər Əliyev bu yaxınlarda istefa verib. O, Culfa rayonundan Ali Məclisin deputatlığına namizədliyini irəli sürüb.
Əkrəm Hüseynzadə 2020-ci ildə Mərkəzi Seçki Komissiyasının üzvü seçilib.
“Naxçıvan Muxtar Respubliasının Ali Məclisinə seçkilər haqqında” Naxçıvan Muxtar Respublikasının Qanununa görə, Mərkəzi Seçki Komissiyası 7 üzvdən ibarətdir. Mərkəzi Seçki Komissiyasının üzvləri Naxçıvan Muxtar Respublikasının ali vəzifəli şəxsinin təklifi ilə Ali Məclis tərəfindən 5 il müddətinə seçilirlər.
Mərkəzi Seçki Komissiyasının qərarları açıq səsvermə yolu ilə Mərkəzi Seçki Komissiyasının iclasında komissiya üzvlərinin 2/3 səs çoxluğu ilə qəbul edilir.
