Seymur Cəfərova Naxçıvanda yüksək vəzifə verildi
11:50 - 01 Mart 2024
Seymur Cəfərov Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin rəis müavini, rəis vəzifələrinin müvəqqəti icraçısı təyin edilib.
TNS xəbər verir ki, bu barədə Naxçıvan Muxtar Respublikası Ali Məclisi sədrinin müavini Anar İbrahimov sərəncam imzalayıb.
S.Cəfərov bu təyinatadək Naxçıvan Muxtar Respublikası İqtisadiyyat Nazirliyində çalışıb. O, bu gün Naxçıvan Biznes Mərkəzində keçirilən tədbir çərçivəsində kollektivə və dövlət orqanlarının rəhbərlərinə təqdim olunub.
Qeyd edək ki, xidmətin əvvəlki rəisi Bəxtiyar İsmayılov idi.
