Naxçıvanda azad iqtisadi zonanın yaradılmasına dair qanun layihəsi gələn il təqdim olunacaq
12:42 - 20 Sentyabr 2023
Naxçıvan Muxtar Respublikasında azad iqtisadi zonanın yaradılması ilə bağlı qanun layihəsi gələn il hazırlanaraq təqdim olunacaq.
TNS-in xəbərinə görə, bu, Baş nazir Əli Əsədovun sərəncamı ilə təsdiqlənən “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nın 2023–2024-cü illər üzrə Təfsilatlı Tədbirlər Planı”nda əksini tapıb.
Tədbirlər Planına əsasən, İqtisadiyyat Nazirliyi Naxçıvan MR Nazirlər Kabineti və Dövlət Gömrük Komitəsi ilə birlikdə qanun layihəsini hazırlayaraq 2024-cü ildə təqdim etməlidir.
