Türkiyə-İran sərhədində baş verən zəlzələ Naxçıvanda hiss olunub - YENİLƏNİB
14:28 - 18 Yanvar 2023
Naxçıvan stansiyasından 100 km cənub-qərbdə Türkiyə-İran sərhədində zəlzələ qeydə alınıb.
Bu barədə TNS-ə Respublika Seysmoloji Xidmət Mərkəzindən bildirilib.
Zəlzələlərin tədqiqatı bürosunun məlumatına əsasən, zəlzələ yerli vaxtla saat 14:08-də qeydə alınıb. Zəlzələ Naxçıvan Muxtar Respublikasında 5-3 bala qədər hiss olunub.
Zəlzələnin maqnitudası 5.9, dərinliyi 2 km olub.
TNS xəbər verir ki, zəlzələ daha çox Naxçıvan şəhərində hiss edilib. Zəlzələ təxminən 12-14 saniyə davam edib.
14:15
Naxçıvanda zəlzələ olub.
Bu barədə TNS-ə Naxçıvan şəhər sakinləri bildiriblər.
Dağıntılar barədə məlumat yoxdur.
