Həcc ziyarətinə getmək istəyənlərin NƏZƏRİNƏ
10:56 - 24 Aprel 2025
Həcc ziyarətinə getmək istəyənlər üçün sənəd qəbulu aprelin sonuna kimi davam edəcək.
Bunu TNS-ə Qafqaz Müsəlmanları İdarəsinin Xarici əlaqələr şöbəsinin müdiri, Həcc elektron sisteminin rəhbəri Vüsal Cahangiri deyib.
Onun sözlərinə görə, azərbaycanlı zəvvarlar Həcc ziyarətinə mayın 25-30-u aralığında gedəcəklər. Ziyarət üçün sənədlərin qəbulu iş günləri ərzində saat 10:00-dan 16:00-a kimi QMİ-nin Bakı şəhəri, Mirzə Fətəli küçəsi 7 ünvanında yerləşən inzibati binasında aparılır.
Qeyd edək ki, bu il Həcc ziyarəti üçün Azərbaycana təxminən 1300 kvota ayrılıb.
Bir nəfər üçün ziyarət paketinin qiyməti 5 950 ABŞ dolları təşkil edir. Ziyarət vahid formada təşkil olunacaq və hava nəqliyyatı ilə həyata keçiriləcək.
Aygün
